Yeh baat main isliye likh raha hoon kyunki kafi log mere paas aate hain — kisi aur se kaam karwaya, kharab ho gaya, ab theek karna hai. Aur jab main dekhta hoon toh pata chalta hai ki painter ne sirf ek coat maar diya, ya putty hi nahi lagaya, ya paint sasta liya aur mehenga charge kiya.
Sach baat yeh hai ki painting mein trust zaroori hai. Painter ghar ke andar kaam karta hai, khaandan hota hai ghar mein. Toh dhyan se chunna chahiye. Yeh 5 cheezein zaror check karo:
1. Pehle Kaam Dekhne Ko Maango
Kisi bhi painter se pehle yeh poochho — "Aapka koi purana kaam dikha sakte hain?" Jo accha kaam karta hai woh khushi se dikhayega. Hum apne customers ke ghar reference ke liye le jaate hain — woh khud baat karte hain. Agar koi "photos nahi hain" ya "abhi nahi dikha sakte" bole toh socho.
2. Sirf Rate Mat Poochho — Kya Kya Milega Yeh Poochho
Do painters ke quotes aate hain — ek ₹30,000 aur ek ₹55,000. Seedha saste waala mat chuno. Poochho ki ismein putty lagega? Primer? Kitne coat? Kaunsa brand? Zyada baar hota yeh hai ki sasta waala sirf ek coat emulsion maar ke chala jaata hai. Baad mein 2 saal mein phir se karwana padta hai.
3. Advance Mein Poora Paisa Mat Do
Yeh rule simple hai. 20-30% advance theek hai — taaki paint kharida ja sake. Baki kaam complete hone pe do. Jo zyada advance maange aur baad mein kaam chhod ke chale jaaye — yeh bohot common problem hai Bihar mein. Main khud apne customers se sirf partial advance leta hoon, baaki kaam ke baad.
4. Paint Khud Khareedne Ka Option Lo
Agar possible ho toh paint aap khud khareedein ya painter ke saath hardware store pe jaayein. Is tarah aapko pata rahega ki kaunsa brand, kaunsa shade, kitna paint use ho raha hai. Kuch painters sasta paint khareed ke branded ka rate lete hain — yeh fraud hai. Hum always customer ke samne paint khareedte hain.
5. Kaam Ke Beech Mein Khud Dekho
Painting chal rahi ho toh beech mein ek baar zaroor check karo. Putty laga ya nahi? Primer acchi tarah se sookha ya nahi? Koi shortcut le raha hai? Acha painter ko koi problem nahi hogi check karne se — woh khud bata dega ki kya kiya ja raha hai.
Ek Baat Aur
Hum koi badi company nahi hain. Par ek baat guaranteed hai — hum kaam ek baar karte hain toh dobara aana nahi padta. Aur agar kuch problem aaye toh hum wapas aate hain. Yeh word of mouth se hi humara business chala hai — Chapra, Siwan, Gopalganj mein. Agar koi reference chahiye toh humse maango, hum de denge.
✅ Trusted Painter Chahiye?
Free site visit pe aate hain, honest estimate dete hain. Chapra, Siwan, Gopalganj aur Patna mein available.
+91 9931681941 WhatsApp Karein