Kuch din pehle Siwan se ek customer ka call aaya. Bole, "Bhaijaan, 3 bedroom ka ghar hai, painting karwani hai — kabhi koi 40 hazaar bolta hai, kabhi 90 hazaar. Sach kya hai?" Yeh sawaal sirf unka nahi, bahut logon ka hai.
Main pichhle kaafi saalon se Bihar mein painting ka kaam kar raha hoon — Chapra, Siwan, Gopalganj, Patna sab jagah. Toh aaj seedha baat karta hoon ki asal mein kitna kharcha aata hai, aur kyu rates itne alag-alag hote hain.
Sabse Pehle — Rate Alag Kyun Hote Hain?
Ek simple baat samajh lo. Painting ka rate 4-5 cheezein milake banta hai:
- Paint ka brand – Asian Paints aur local paint mein 3-4 guna fark ho sakta hai
- Kitne coat lagenge – sirf ek coat ya putty + primer + 2 coat
- Labour – skilled painter ya koi bhi
- Surface condition – naya ghar hai ya purana ghisa hua
- City – Patna mein Chapra se thoda mehenga padta hai
Bihar Mein Painting Rates 2025 (Approximate)
| Kaam | Rate (Per Sqft) |
|---|---|
| Simple distemper (interior) | ₹8 – ₹12 |
| Emulsion paint – economy brand | ₹14 – ₹18 |
| Asian / Berger / Dulux emulsion | ₹22 – ₹30 |
| Exterior paint (weatherproof) | ₹25 – ₹40 |
| Putty + Primer + 2 coat | ₹35 – ₹55 |
| Texture painting | ₹45 – ₹90 |
Note: Yeh approximate rates hain. Final rate surface area, condition aur aapki city pe depend karta hai.
3 BHK Ghar Mein Kitna Lagega?
Average 3 BHK mein roughly 1800–2200 sqft paintable area hota hai (walls + ceiling, doors minus). Agar aap mid-range quality se painting karwao — putty, primer aur accha emulsion — toh kabhi kabhi ₹55,000 – ₹85,000 tak ja sakta hai. Yeh sab depend karta hai ki kitna area hai aur paint quality kya rakhi.
Jo log ₹30,000 mein 3 BHK karwa lete hain, unka kaam 1-2 saal mein ukhadna shuru ho jaata hai. Aur jo 1.5 lakh ka quote dete hain bina kuch special kiye — woh sirf profit kha rahe hain.
Sasta Matlab Bekar Nahi, Par Soch Samajh Ke
Main khud budget mein kaam karta hoon. Agar koi customer bole ki paisa tight hai, toh main suggest karta hoon — putty skip karo, ek accha primer aur ek coat branded emulsion lagao. Kuch saalon tak theek rahega. Par agar koi bole "sirf ₹6/sqft mein kar do" — toh honestly woh kaam hum nahi karte, kyunki baad mein hamare naam pe bura lagta hai.
Free Estimate Kaise Lo?
Agar aap Chapra, Siwan, Gopalganj ya aas paas mein hain, toh humse free site visit maango. Main khud aata hoon, area measure karta hoon, aur honest estimate deta hoon — koi hidden charge nahi, koi pressure nahi.